Comezamos con forza a campaña na FIC e agardamos que nos vindeiros días se estenda a algunha outra faculdade. Adxuntamos o material de reparto e recollida de sinaturas por se é do voso interese e agrado colaborar connosco.
Para máis información non dubidedes en contactar a través do correo-e, do formulario de contacta ou vir ata a mesa instalada no 1º andar da FIC.
Material:
Despois dunha Xunta de Faculdade de máis de 11 horas de duración nun clima de tensión e enfrontamento, o borrador do Plano de Estudos do grao das Enxeñarías Informáticas ficou aprovado por 78 votos a favor, 59 en contra e 6 votos en branco.
Agora ábrese un período dun mes onde todo o que o desexe poderá realizar alegancións ao borrador aprovado que serán debatidas nunha próxima Xunta de Faculdade.
Os Comités de FIC comeza unha campaña para que non se feche a oficina de software libre, coorganizada co GPUL e Proxecto Trasno.
Manifesto: “POLA CONTINUIDADE DA OFICINA DE SOFTWARE LIBRE DA UDC”
A Oficina de Software Libre (OSL) naceu grazas a un convenio entre a Consellería de Innovación e Industria da Xunta de Galicia e as universidades galegas. As funcións da OSL son principalmente proporcionar formación e recursos a comunidade universitaria, colaborar coas diferentes organizacións na promoción e implantación do software libre, avanzar na independencia tecnolóxica e promover a localización e a normalización lingüística
O actual convenio vence a mediados de decembro polo que, de non cambiar a situación, a OSL desaparecerá ante a falta de financiamento, perdéndose un importante referente cara o avance das tecnoloxías libres.
Hai que lembrar que os cartos investidos na OSL son iso, un investimento, e nunca un gasto. Apoiar o Software Libre representa un aforro, xa a curto prazo, en licenzas e, a medio prazo, unha axuda fundamental cara a independencia tecnolóxica da nosa sociedade. É máis que necesario o
asesoramento da OSL para executar o Libro Branco do Software Libre da UDC, ao cal se comprometeu o actual equipo reitoral e que ten un cumprimento absolutamente insuficiente.
Por todo isto solicitamos que a UDC manteña o servizo actual e destine unha partida orzamentaria para manter a OSL.
O xoves día 19 deste mesmo mes de novembro aprovarase previsiblemente o novo plan de estudos do grao da Enxenaría Informática en Xunta de Faculdade extraordinaria.
Toda a información a respecto das enmedas e o borrador a debate en: https://wiki.fic.udc.es/decanato:xunta:indice
Dende os Comités defenderemos aquela proposta que sexa a mellor ao noso entender para o alumnado. Así mesmo, intentaremos achegar posturas e formar un bloque co resto de representantes de alumnos para facer forza e intentar que o novo plan de estudos sexa mellor que o actual para unha mellor preparación das xeracións vindeiras de estudantes da FIC.
Todo aquel que teña algunha suxestión sobre o novo plan e/ou as enmendas que nola faga chegar a través deste blog, mail ou falando connosco porque todas as aportacións sempre son benvidas.
Este luns día 5 de outubro, dando continuidade á nosa pequena campaña de presentación, imos estar de 12:30 a 13:30 nas mesas do 1º andar xusto diante das escaleiras a carón da biblioteca para dar información sobre a nosa organización e respostar a todo o que vós nos digades.
Dende os Comités de informática non nos queda, máis un ano, que dar a benvida a tod@s @s alumn@s que comezan os seus estudos nesta faculdade e tamén a aqueles que xa estaban e volven despois do verán.
Co gallo da volta ás aulas, os Comités de informática estamos a realizar unha pequena campaña de presentación coa pegada de 2 tipos de cartaces, o reparto dun panfleto e mais da realización dun par de faixas que colgamos pola faculdade.
Reproducimos a continuación o texto do panfleto a repartir:
Os Comités somos a organización estudantil referencial e maioritaria de Galiza. Estamos presentes en toda Galiza nos sete campus e nas tres universidades galegas e en grande parte dos institutos do país.
Definímonos como nacionalistas e de esquerdas. A nosa acción lévase a cabo a través de campañas e mobilizacións coas que denunciamos os moitos problemas que afectan ao sistema educativo, producidos por unha política educativa que non favorece o ensino público galego e que ignora a voz das e dos estudantes, complementado coa nosa presenza en Departamentos, Xuntas de faculdade e Claustros
Na facultade de informática os Comités traballamos en todos os ámbitos para que a voz dos estudantes sexa escoitada. Participamos nas masivas mobilizacións na defensa das Enxeñarías en informática, na redacción do novo plano de estudos, nos Consellos de Departamentos e na Xunta de Faculdade onde somos a organización con maior representación. Organizamos actividades como as 1ª Xornadas de Tecnoloxía e Pensamento crítico e accións concretas na faculdade.
Esperamos que teñades un bo curso e animarvos a que tomedes parte, sexades a voz do estudantado e vos organicedes connosco para defender os intereses da Faculdade.
Se tedes algo que nos comentar non dubidedes en porvos en contacto connosco dende o propio blog: aqui, polo mail comites.fic@gmail.com ou cando nos atopedes polas clases/local de alumnos/cafeteria…
.
No Consello de Goberno da UDC, Xoan Soto solicita que se melloren os prazos prazos establecidos actualmente pola normativa para realizar as probas na convocatoria de decembro. Hai que recordar que fai 2 anos escollias a que asignaturas te presentabas en decembro a finais do mes de novembro, na actualidade non escollese na matricula ordinaria de Outubro.
A Sra. Vicerreitora de Organización Académica insiste na imposibilidade a nivel organizativo, non sabemos como farían os anos anteriores…
Pablo Belay na Xunta de Facultade (106), suxire a modificación do grupo de Tecnoloxía Electrónica de ETIX do Venres de 19:30-21:30 para que este sexa o venres de 12:30-14:30 e así facilitar o retorno dos estudantes os venres as súas casas.
Tamen detectou un erro no calendario de exames proposto coa asignatura de IED e suxiriu o cambio de data do exame de MT, xa que se solapa co de CAL e moitos alumnos non poden ir aos exames.
Nunha intervención posterior a profesora de MT confirma o problema que sufren os alumnos. Finalmente quedan aprobadas as suxerencias.
-
Anxo Sánchez pide máis apoios ao software libre na UDC, e que se empreguen formatos abertos na información cotia da UDC pois a información enviase en formatos privativos, propón unha serie melloras na accesibilidade para a web institucional da nosa universidade.
Tamén menciona a incomodidade do sistema de titorías do estudantado que se ten que desprazar ao Edificio Xoana Capdevielle, para que se lle busque unha solución.
Na xunta de Facultade 105 celebrada hoxe Brais Arias Río pide unha diminución do número de alumnos por grupo, especialmente nos do primeiros cursos das nosas titulacións e nas prácticas das optativas máis demandadas, xa que en moitas existe unha saturación das aulas.