Despois dunha Xunta de Faculdade de máis de 11 horas de duración nun clima de tensión e enfrontamento, o borrador do Plano de Estudos do grao das Enxeñarías Informáticas ficou aprovado por 78 votos a favor, 59 en contra e 6 votos en branco.
Agora ábrese un período dun mes onde todo o que o desexe poderá realizar alegancións ao borrador aprovado que serán debatidas nunha próxima Xunta de Faculdade.
O xoves día 19 deste mesmo mes de novembro aprovarase previsiblemente o novo plan de estudos do grao da Enxenaría Informática en Xunta de Faculdade extraordinaria.
Toda a información a respecto das enmedas e o borrador a debate en: https://wiki.fic.udc.es/decanato:xunta:indice
Dende os Comités defenderemos aquela proposta que sexa a mellor ao noso entender para o alumnado. Así mesmo, intentaremos achegar posturas e formar un bloque co resto de representantes de alumnos para facer forza e intentar que o novo plan de estudos sexa mellor que o actual para unha mellor preparación das xeracións vindeiras de estudantes da FIC.
Todo aquel que teña algunha suxestión sobre o novo plan e/ou as enmendas que nola faga chegar a través deste blog, mail ou falando connosco porque todas as aportacións sempre son benvidas.
Pablo Belay na Xunta de Facultade (106), suxire a modificación do grupo de Tecnoloxía Electrónica de ETIX do Venres de 19:30-21:30 para que este sexa o venres de 12:30-14:30 e así facilitar o retorno dos estudantes os venres as súas casas.
Tamen detectou un erro no calendario de exames proposto coa asignatura de IED e suxiriu o cambio de data do exame de MT, xa que se solapa co de CAL e moitos alumnos non poden ir aos exames.
Nunha intervención posterior a profesora de MT confirma o problema que sufren os alumnos. Finalmente quedan aprobadas as suxerencias.
Na xunta de Facultade 105 celebrada hoxe Brais Arias Río pide unha diminución do número de alumnos por grupo, especialmente nos do primeiros cursos das nosas titulacións e nas prácticas das optativas máis demandadas, xa que en moitas existe unha saturación das aulas.
Na Xunta de Facultade (104), Macías López Iglesias realiza una intervención para suxerir a reactivación das reunións da “Comisión de Grao”, a cal leva paralizada dende o curso pasado.
Tamén Macías explica as orixes e os obxectivos da futura Plataforma Galega para a Defensa das Enxeñerías Informáticas ( PGDEI) que xa se comentara na anterior xunta de facultade .
Na Xunta de Facultade Extraordinaria (103), realizouse a elección do Decano. O único candidato presentado foi D. Alberto Valderruten Vidal (actual Decano).
O resultado da votación foi o seguinte:
Os Comités por medio de Macías López Iglesias informan á Xunta de Facultade sobre as reunións dos representantes dos estudantes, o calendario de mobilizacións e as xestións para a constitución dunha plataforma galega que aglutine a todos os colectivos das enxeñerías informáticas.