Tal e como quedamos na asemblea do xoves pasado, seguiremos dando continuidade á campaña reivindicativa na FIC contra o cobro no servizo de impresións en aulas net. Editamos novo material que será distribuido pola FIC acompañado dalgunhas outras accións.

Tamén anunciar que este xoves, día 6 ás 12:30 haberá de novo unha asemblea aberta de estudantes á que animamos a tod@s a asistir.

Entre os asistentes á asemblea do pasado xoves crimos que era preciso convocar outra para este vindeiro xoves 29 de abril coa mesma orde do día. As razóns do troco son que non viamos conveniente decidir ningún tipo de resposta sen contar coa maior parte do alumnado e porque este mércores 28 está convocado un consello de goberno da UDC onde, a petición dos representantes dos Comités no pasado Claustro e mais da Xunta de escola de Camiños, está incluido como punto específico da orde do día o tema do cobro polas impresións.

Non somos moi optimistas do resultado do debate nin da posíbel votación, mais si vemos preciso que ante un debate destas características era mellor saber cal é a súa resolución para tomar, a posteriori e entre todos, as medidas necesarias.

Animamos a tod@s @s alumn@s da FIC a asistir e, sobre todo, a partiripar nela aportando opinións e ideas.

O vindeiro xoves 22 de abril celebrarase no salón de actos da FIC unha asemblea aberta de estudantes para explicar e falar colectivamente da problemática polo cobro no servizo de impresión en blanco e negro nas aulas net.

Agardamos contar coa vosa presenza dada a importancia do tema.

Baixo o lema “a universidade é pública, non ao cobro do servizo de impresión” os Comités da faculdade de informática comezamos así unha campaña de información e denuncia reivindicando que a impresión en branco e negro das aulas net volva a ser gratuíta.

A continuación adxuntamos o material da campaña que consiste nun pequeno panfleto a modo de resumo, un comités informa onde se explica con bastante detalle os acontecementos e as nosas reivindicacións e mais un cartaz que penduraremos pola faculdade.

Agardamos tamén a vosa implicación e participación xa que isto non consiste solamente na retirada da gratuidade nas impresións, se non que é un paso máis no camiño da privatización da universidade no cal levamos, desgraciadamente, camiñando moitos anos

Material e información da campaña adxuntos:

panfleto e comites informa (recomendado)

Agardando poder adicarlle de novo tempo a este blog, damoslle este novo pulo e agardamos que sexa unha etapa produtiva para todos e todas

Para máis información non dubidedes en contactar a través do correo-e, do formulario de contacta ou vir ata a mesa instalada no 1º andar da FIC.

Material:

Agora ábrese un período dun mes onde todo o que o desexe poderá realizar alegancións ao borrador aprovado que serán debatidas nunha próxima Xunta de Faculdade.

Os Comités de FIC  comeza unha campaña para que non se feche a oficina de software libre,  coorganizada co GPUL e Proxecto Trasno.

Manifesto: “POLA CONTINUIDADE DA OFICINA DE SOFTWARE LIBRE DA UDC”

• • Cartaz

A Oficina de Software Libre (OSL) naceu grazas a un convenio entre a Consellería de Innovación e Industria da Xunta de Galicia e as universidades galegas. As funcións da OSL son principalmente proporcionar formación e recursos a comunidade universitaria, colaborar coas diferentes organizacións na promoción e implantación do software libre, avanzar na independencia tecnolóxica e promover a localización e a normalización lingüística


O actual convenio vence a mediados de decembro polo que, de non cambiar a situación, a OSL desaparecerá ante a falta de financiamento, perdéndose un importante referente cara o avance das tecnoloxías libres.
Hai que lembrar que os cartos investidos na OSL son iso, un investimento, e nunca un gasto. Apoiar o Software Libre representa un aforro, xa a curto prazo, en licenzas e, a medio prazo, unha axuda fundamental cara a independencia tecnolóxica da nosa sociedade. É máis que necesario o
asesoramento da OSL para executar o Libro Branco do Software Libre da UDC, ao cal se comprometeu o actual equipo reitoral e que ten un cumprimento absolutamente insuficiente.
Por todo isto solicitamos que a UDC manteña o servizo actual e destine unha partida orzamentaria para manter a OSL.


Descargas:

O xoves día 19 deste mesmo mes de novembro aprovarase previsiblemente o novo plan de estudos do grao da Enxenaría Informática en Xunta de Faculdade extraordinaria.

Toda a información a respecto das enmedas e o borrador a debate en: https://wiki.fic.udc.es/decanato:xunta:indice

Dende os Comités defenderemos aquela proposta que sexa a mellor ao noso entender para o alumnado. Así mesmo, intentaremos achegar posturas e formar un bloque co resto de representantes de alumnos para facer forza e intentar que o novo plan de estudos sexa mellor que o actual para unha mellor preparación das xeracións vindeiras de estudantes da FIC.

Todo aquel que teña algunha suxestión sobre o novo plan e/ou as enmendas que nola faga chegar a través deste blog, mail ou falando connosco porque todas as aportacións sempre son benvidas.